काठमाडौं । नेकपा (एमाले)का अध्यक्ष केपी शर्मा ओलीले आन्दोलनका लागि तयार रहन कार्यकर्तालाई निर्देशन दिएका छन् । बुधबार राष्ट्रिय भेलाको उद्घाटन गर्दै उनले जुनसुकै बेला आन्दोलनमा जानुपर्ने बताए ।
उनले सरकारको दमनविरुद्ध चुप लागेर नबस्ने बताए । “शान्तिपूर्ण ढंगले सडकमा उत्रिँदा पनि दमन चलाइन्छ भने एमाले चुप लागेर बस्ने छैन । संख्या केही हजारमा दरले निस्कियो होला त्यतिखेर अब हरेक ठाउँमा लाखका दरले निस्किन्छ,” ओलीले भने ।
उनले एमाले ‘हुतिहारा’को पार्टी नभएर जिउँदा मान्छेको पार्टी भएको बताए । “आन्दोलनको तयारी हालतमा बस्नुस् । सरकारले कुनै पनि समय प्रतिशोध कसैमाथि लिन सक्छ । कसैलाई गिरफ्तार, हमला आक्रमण गर्न सक्छ,” ओलीले भने ।



